Un de juas numeral japones es nomida "suguru" o "tectonic". Lo resembla en alga modo sudoku, ma solve un suguru esije un stratejia intera diferente.
La jueria, un area de cuadros, es divideda a su-areas, con cuantias varia de cuadros. La cuantia de la cuadros en un su-area pote es un, du, tre, cuatro o sinco.
La gol final es ce cada su-area:
* de cuantia un va ave la numero 1,
* de cuantia du va ave la numeros 1 e 2.
* de cuantia tre va ave la numeros 1, 2 e 3,
* de cuantia cuatro va ave la numeros 1, 2, 3 e 4,
* de cuantia sinco va ave la numeros 1, 2, 3, 4 e 5.
La sola regula es: No numero pote repete con lado a lado, an no diagonal!
Asi es un esemplo sur un suguru ja solveda:
