Lingua franca nova: Alga ideas per renovi la lingua

 Prefasa

Elefen (alias lingua franca nova) es un lingua desiniada cual es intendeda pare multe natural. Donce sua regulas de spele e pronunsia no es tan simple como per esemplo en esperanto. An tal, la regulas en se mesma no es tro difisil per recorda e usa, ma on ave un "zon gris" de parolas de cual sua pronunsia coreta no es deduable. La problem xef es la asentua. Esta blog introdui alga renovis minor cual fa ce on sabe la asentua coreta de la parola par vide esta parola.

La parolas esetante cual fini con un vocal

On ave un colie acaso de parolas, pe

ami, cafe, cangaru, ala

 cual es nonregulada asentuada. Un solve natural ta es usa un sinieta supra la vocal final. Si on vole evita sinietas, me ave un otra solve, dupli la vocal final:

amii, cafee, cangaruu, alaa, aguu.

Donce on ta asentua esta parolas simil como pe 

atrae, idea, construi. 

Mea idea es ce on pote trata la duple de mesma vocales como du vocales real ma pronunsia clara sola un de los. Posible esta forma nova ta pote influi la induidas:

amiin, cafeerio, cangarueta.

 Parolas cual fini con S

Cuando un parola fini con S, on debe sabe esce lo es plural, afin sabe do la asentua resta! Per esemplo:

novas, xicos, persones, cangarus (plural!), engles, felis, capas.

Nos pote coreti esta situa par fa la cambias seguente:

1#. Si la parola (singular) ave plu ca un silaba e lo fini con S, nos ajunta (jeneral) un E:

englese, felise, capase.

2#. En asentua nos trata tota parolas cual fini en S como plural. Donce nos ave per esemplo duples (singular > plural):

englese > engleses, felise > felises, cangaruu > cangaruus.

Si nos no vole cambia alga parola internasional como "tenis" (la jua), nos pote asentua esta parola tenis (en loca de tenis), e en fato, tal asentua pare bon a me. La plural de la nom "teni" no disturba.

Parolas con sola un silaba

On ave multe parolas singular cual ta aspeta como plural: pe:

fas, gas, nas, pas.

Asii me vide  no razona a fa cambias "fase", "gase" etc. La parola "nase" ave ja un otra sinifia.

Ma si on aproba duples de vocales como en "asii", "cafee" etc., on ta pote considera alga cambias separada como:

fe > fee, te > tee.

Me opina ce 

"Un fee ia vade a la cafeeria, e tre fees a la teeria."

pare un pico plu bon ca

"Un fe ia vade a la caferia, e tre fes a la teria." 

Sur la solve con sinietas

La solve con sinietas es natural plu fasil; on no nesesa cambia la disionario. Donce on ta pote scrive:

amí, café, cangarú, alá, agú, englés, felís, capás.

Ma la scrivor ci spele en esta modo, debe deside, como el spele la parolas ci es deduida de estas. En alga casos on ta pote manteni la sinietas an tal los no es nesesada:

amís, caféria, engléses,

ma on no pote scrive per esemplo

caféosa, cangarúeta

car la asentua es: cafeosa, cangarueta. 

Me mesma ta prefere la  duples de consonantes, ma  acel metodo ta es tro estrema. Me crede ce nun va desaproba la usa de sinietas - an si on ta spele

fé, té

afin la vocal E reseta plu pesa!